FCS&CA Minister Pu K Lalrinliana chu vawiin khan All NGO Coordination Committee buatsaihin Kolasib Venglai YMA Park-ah ropuitak a chawimawina hun hman a ni.

Minister chuan mimal inchawimawina a dawn chu phulo a inti a, hetiang chawimawina a dawng hi lawmawm a tih thu sawiin, Inthlan dawn hnaih nikum June thla atang khan Kolasib khawchungah chhungtin tlawh chhuah programme kalpui niin, hetih lai hian natna in a tlakbuak a, a nupui nen Pathian hnenah damna dilin doctor rawn ngai lovin damna a chan thu a sawi a. Election-a a tlin leh tlin loh thuah pawh Pathian kutah a in nghah tlat thu a sawi. Minister chuan mipui kalkhawmte hnenah  tha taka tawiawm turin a sawm a. Ei-leh-inah Zoram mipuiten an chanvo an dawn theih nan mawhphurhna leh chak taka hmalak a tum thu sawiin, a department enkawl mek te pawh chak tak a hma an lak mek thu a sawi bawk.

Pu C Liankunga, President All NGO Co ordination Committee chuan he chawimawina hun hi a kaihhruai a. Minister hi Kolasib Mipui ten chawimawi nan a zawnna siamin, stage thleng zawn a ni a. MCO Sub Hqrs Kolasib ten khuallam in hma an hruai a. NGO, Head of Department, School naupang te leh mipui thahnem tak Kolasib mipuite bakah khaw thenawm ten he hun hi an rawn hmanpui a ni.