‘Sawrkar leh mipui inkar zau lutuk thin chu RTI Act kan hman atang khan pawhzim a ni ta’, Pu Lal Dingliana, IFS (Rtd)  Mizoram State Information Commissioner chuan a ti.

He thu hi vawiina RTI Week, Kolasib DC Conference Hall-a hawngin Pu Lal  Dingliana chuan a sawi a. Mizoram ah kum 2006-a  RTI Act kan hman atangin kawng tamtakah hma kan sawn a. Sawrkar kalphung scheme leh project hmanga hnathawhte chiang zawkin mipuiin kan hriat theih phah a. RTI hmanga zawhna zawttu pawh kum 2006-2007-ah mi 476 an awm lain 2011- 2012 ah chuan mi 1045 an tling ta a ni, a ti.Indiarama Corruption case liantham tak takkanhriatte hi RTI zawhna atanga lo lang chhuakte an ni hlawm a. He act hi corruption venna tha tak a niin, mimal inhekna a nilo tih erawh mipuiten kan hriat a tul a ni, Pu Lal Dingliana chuan a ti a ni.

Khual zahawm Pi Niharika Rai, IAS, DC, Kolasib chuan India khua leh tui tena chanvo, right kan neihte zingah RTI hi a pawimawh hle a. Department hotute chu miin zawhna a zawh apiang a hun taka chhanna pe tur leh he Act hian kan hnathawhnaa fimkhurna min pek a, uluk taka record te kan vawn thin tul a tih thu a sawi a, chhui dawl khawpin kan thawk tur a ni a ti. Mi thenkhatin  Department leh mimal hnena phuba lakna hmanruaa hmang kan awm thin erawh chu thil tul lo tawp a ni, tiin eng Department pawhin tlin lohna kan nei vek a ni, Pi Rai chuan a ti. Department hotutenkanthuneihnakanhmang sual tur a ni bawk lo, DC chuan a ti a ni.

RTI Act chungchanga thusawitu dang Pu Madhur Verma, IPS, SP chuan RTI Act hian kan hnathawhna kawngah fimkhurna leh uluk taka thawh tumna rilru min puttir a. Langtlang taka sawrkar kalphung leh thawh dan te kan hriat theih phah hi a hlu hle a ni, tiin tlem laia Department thenkhat information pe chhuak hreh an awm thin pawh tunah chuan a ziaawm ta hle a. Miin a right hmanga thu hriat duh a neihte kan pe hreh tur a ni lo a ni, a ti a ni.          

Pi Lallianpuii, DIPRO chuan RTI Week hawnna inkhawm hi a kaihruai a. Department  hotute, SPIO, SAPIO leh tlawmngai pawl hrang hrang kalkhawm atangin zawhna zawh a ni a. Heng zawhna te hi CIC chuan a chhang a ni.