Nimin khan Mizoram State Information Commission (MSIC) leh Information & Public Relations Department tangkawp chuan Diakkawn YMA Hall, Kolasib-ah RTI Week 2014 pualin ‘Observance of RTI Week 2014’ tih programme an buatsaih. RTI Week puala programme ah hian Pu Lalfela, AddlDC, Kolasib chu khuallian niin Pu H F Sena, Secretary, Sub Hqrs. MUP Kolasib chuan programme hi a kaihruai a ni. Pu Jim K Chozah, Director, Information & Public Relations chuan RTI chungchangah presentation a nei a niin Pu Vanlalnghaka, President MJA Kolasib in keynote address a sawi a ni.

Pu Jim K.Chozah chuan RTI chu mipui rorelna ‘democracy’ hnuaia langtlang, rintlak, huapzo, awn leh hleih nei lo Sawrkar tha siamna atana hmanraw pawimawh tak a ni a, tiin rorelna tha neiturinRTI hi mipuiinkanhriat  leh hman a tul thu a sawi.  Sawrkar hnathawk leh zirna sang zawk nei ten RTI chungchang hi an hre thawkhat a, mipui mimir lamah RTI hmelhriat leh hmang thiam an tlem nia a hriat thu te sawiin, mipui lamah tun aia chak leh zau zawka awarenesssiama tul tiin hemi lamah hian hmalakna turkanla nei a ni, a ti. 

Pu Jim K Chozah chuan mi thenkhatin RTI hi an nel tawk lova a hriat thusawiin RTI hi hlauh tur a ni lo a, sorkar kalphung leh hnathawhte dik taka hriatna a ni zawk a ni, a ti. Sawrkar hnathawkte phei chu RTI kalpuitutekannih anginkanmawhphurna a sang a, RTI in min phut anginkanmawhphurna tekanhlen chhuak ngei tur a ni a ti.  

RTI Week hmanna ah hian zawhna leh chhanna hun te buatsaih a nih hnuin Pi Vanlalruati, SDO(S) Kolasib chuan lawmthu sawiin a khar a ni.