NLUP Implementing Board Chairman Pu JH Rothuama chuan vawiin khan District Industry Centre Conference Hall, Lunglei-ah Industry Sector hnuaia NLUP 2nd Phase 2nd Installment khawl lo nei tawh sa mi 28 hnenah tanpuina Rs.16,77,800/- a sem.

NLUP tanpuina semna inkhawm DIC, Lunglei General Manager Pu Lalnuntluanga kaihhruaiah NIB Chairman Pu JH Rothuama chuan thu sawiin India ram state dangin an neih ve loh NLUP hi Mizoram sorkar chuan a ngai pawimawh hle a, hmahruaitu kan nih avangin entawntlaka kan thawh a tul a ni, a ti. NLUP kaltlanga mipuiin Sorkar zar an zo thin hi vanneihnaah chhiar thiam tur leh tanpuina sum an dawn chhan ang ngeia dik taka hmang a, taimakna, rinawmna leh tumruhna nen hma la chhunzawm zel tur-n a fuih a ni. NLUP hnuaia tanpuina semchhuah chungchangah sorkar a fimkhur hle dawn a, beneficiary ti tha duh lote chu pek chhunzawm an ni lovang, a ti bawk. NLUP beneficiary-te chu an intundinna tura tapuina pek an nih ang ngeiin an trade thlan theuhte chu hlawhtlinpui theuh turin duhsakna a hlan a; NLUP trade hmanga sum an lakluh tam leh sorkar a lawm dawn a ni, a ti.

Pu R.Vanlalsanga, IPO-in report tawi pein Lunglei District chhungah Industry sector-ah hian beneficiaries 908-te hnenah NLUP sem a ni tawh a, tuna 28-te nen hian 936 te pek an ni tawh a ni tih a tarlang a. Vawiina sum an semte hi Tailoring Trade thlangtu 21 hnenah Rs.57,000/- theuh, Carpentry II thlangtu mi 3 hnenah Rs.97,600/- leh Handloom thlangtu mi 4 hnenah Rs.47,000/- theuh cheque-in sem a ni a. NLUP District Co-ordinator Pu Zathangliana-in lawmthu sawiin hun a khar a ni.