1785/2025-2026

Dated Kolasib, the 8th October, 2025: Vawiin khan Right to Information (RTI) Hapta, 2025 , October ni 5-12 inkar chhung a hman mek pualin DIPRO Conference Hall, Kolasib ah hun hman a ni a. He hun hi Pu H Lalramliana, SDO (Sadar) Kolasib chuan a kaihruai a, Kolasib Bawrhsap, Pu Robert C Lalhmangaiha chu Khuallian a ni.

He hunah hian Khuallian, Kolasib Bawrhsap Pu Robert C Lalhmangaiha chuan RTI pawimawhzia sawiin, hei hi mipui ten sawrkar kalphung an hriat ve theih na leh an chanvo te an humhalhna hmanraw ṭangkai tak leh ram rorelna innghahna (democracy) tinghet tu a ni, a ti a. Bawrhsap chuan information khawvelah engmah zep theih a nih tawh loh thu leh, sawrkar kalphung lang tlang neih chu eirukna venna kawng ṭha ber a nih thu sawiin, mipuiten an hriat duh information te dan ang taka a diltu te hnenah pek chhuah chu sawrkar hna thawkte leh Department a RTI changtuten an mawhphurna a ni, a ti.

DC chuan Kolasiba Sawrkar department hrang hranga hotute (Heads of Offices) vawiin huna an kal ṭha tawk lo chu pawi a tih thu sawi lang in, heng hun pawimawhah te hian ṭha zawka tel ṭhin turin a chah bawk.

Vawiin hunah hian RTI chungchang a inzirtirna leh zawhna leh chhanna hun hman a ni a. Kolasib District Information and Public Relations Officer (DIPRO), Pu David A Lalhmingchhuana chuan RTI Act chungchang ah presentation a pe a ni.

He hun ah hian Kolasib District a DAA leh Department hrang hranga SPIO leh SAPIO te , Govt Kolasib college zirlaite , Kolasib a NGO te leh  Mizoram Journalists' Association (MJA), Kolasib  member-te leh RTI Activist te an tel thei a ani. Pu Chinlianmanga, Election Officer in lawmthu sawina a neih hnuin vawin hun hi tihtawp a ni.