Election Commission of India thupek bawhzuiin vawiin khan Kolasib DC Conference Hall ah Rualbanlo te'n Ram Hruaitu thlanna kawnga zau zawka an inhnamhnawih theih dan tur ngaituahin District Level Consultation in connection with 'Inclusion of PwDs (Persons with Disabilities) in Electoral Process chu an thukhawm.

Thutkhawmah hian rualbanlote, rilru lama harsatna nei (Mentally Retarded) ni silo vote nei thei, nei silo te bakah Rualbanlo te'n vote thlak dawna harsatna an tawh dan chi hrang hrang te chu Polling Station tin ah Booth Level Officer ten lo zawng chhuakin kar khat (may 1st week) chhungin Election Officer hnenah report thelut tura rel a ni a; vote thlak thin tura rualbanlote rilru put hmang leh sukthlek kaihhruai theih na a tana Awareness leh Sensitization workshop neih te, Election kaihhnawiha form dah/ziah khah tur chi hrang hrang heng form 6,7,8,8A chungchanga inzirtirna te, rualbanlote harsatna a zirin Braille, signange/symbol/picture , Audio-Visual etc kal tlanga vote thlak tir dan tur te, a theihna leh remchanna apianga rualbanlo vote thlak thin te chu State/District Ambassador a hman te leh Rualbanlo te'n Polling Station a awlsam zawka vote an thlak theih nana thil tul heng Wheel Chair, Ramp etc neih dan tur te rel a ni a. Hemi bakah hian rualbanloten mahni inthlahrung hauh lova vote thlak nikhua a an chhuah ve theih nana Rualbanlo enkawlna leh zirna hmun hrang hrangte chu tlawh chhuaka anmahni chu hmaichhana kawmin an harsatna tawh te sawipui tura rel bawk a ni.

Thutkhawm hi Kolasib Addl DC Pu Laltanpuia Hnamte in a kaihruai a, Election Officer Pu Vanlalchhuanawma Chawngthu bakah Election leh Rualbanlote enkawlna kaihhnawiha Sawrkar Department hrang hrang hotute leh Khawtlang hruaitute an tel a ni.