Lawngtlai District-a sentut hri danna pek beihpui (measles-rubella vaccination campaign) thlak mekah thla 9 leh kum 15 inkar naupang 48% chu hri danna pek an ni tawh.

Lawngtlai District-ah hian hri danna la thei tur naupang 42532 awma chhut a ni a. He'ng zinga mi 20263 te chuan sikul hrang hranga beihpui thlak mek atangin hri danna hi an la tawh a ni.

Lawngtlaiah hian April ni 17 khan MRVC rally buatsaih a ni a. April ni 18-ah Don Bosco School-ah campaign hawnna neih niin, hemi atang hian chawlhkar 2 chhung atan sikul hrang hrang tuam tan a ni a. Chawlhkar 2 dang chu khaw chhung hmun dang tuam leh tur niin, chawlhkar 5-na chu a nawlpui thual nawn leh nan hman a ni ang.