Economic & Statistics Department, Kolasib huaihawtin Statistics Day vawi 11-na chu vawiin khan Diakkawn YMA Hall, Kolasib ah hman a ni a. Kolasib khawpui chhunga Registrars of Births & Deaths, Journalists leh Higher Secondary School zirlai thahnem tak he hunah hian an tel a ni.

Statistic Day hmanna inkhawm hi Pi H. Lalremmawii, DRO in kaihruaiin, Pu Lalkhawliana, RBD Kolasib ‘I’ in hunserh a hmang a, Resource Person atan Pu James Vanlalruata Lecturer, CZ Higher Secondary School hman a ni a, ani hian kum 2017 Statistics Day theme “Administrative Statistics” thupui hmangin zirtirna a pe a. Statistics Day an hman chhan Prof. P.C. Mahalanobis chanchin tlem sawiin Statistics hi kan ram than leh zel na tur leh ‘kan ram darthlalang’ a nih thu a sawi tel bawk. Prof. P.C.Mahalanobis piancham a nih angin a chanchin tlangpui chhiarchhuahna neih a ni bawk.