Vawiin khan Kolasib District pum huap Students Science Exhibition nihnih awh tur St. Johns Higher Secondary School ah tan a ni ta a, Mizoram Youth Commission Chairman Pu Hmingdailova Khiangte chuan he hun hi khuallian niin a hawng a ni.

Science Exhibition hi Inspire Award 2010 - 2011 hnuaia District Education Officer, Kolasib leh SCERT Mizoram te buatsaih a ni a. A tum ber chu zirlaite Science thiamna lama tih hmasawna Science thiamna a ram a lo hausak theihna tura zirlai tha leh mithiam chherchhuah a ni.

Khuallian Pu Hmingdailova Khiangte chuan thu sawiin, Inspire Award Scheme hnuaia zirlaite dawmkanna ropui tak a taka chhawpchhuah sak an nih avangin vawiina zirlaite hi in vannei hle a ni, a ti. Anmahni hlawkpuina tura scheme duan chu chhawr tangkai a tanla sauh sauh turin zirlaite chu a chah a ni. UPSC in Central Service atana exam a buatsaih hnuhnung bera Mizoram atanga tumah tling zo kan awm lo te, Matrict exam hnuhnunga sikul 29 lai pass nei lo kan awm te kha thui tak  kan in enlet a tul a ni, a ti a. Zirtirtute bakah nu leh pate kan tan thar a tul hle a ni, Pu Hmingdailova chuan a ti. Human Resources Department atang hian bul i tan thar ang u, a ti bawk a ni.

Pu B. Lianthlira, DEO, Kolasib chuan inkhawm hi a kaihruai a. Exhibition ah hian Kolasib District chhung atangin school naupang 92 an tel a. High School atangin naupang 31 leh Middle School atangin naupang 61 an ni. He ta ti tha zual naupang 6 te chu State Level a tirh an ni dawn a ni.

Inspire Award 2010 -2011 hnuaiah hian Mizoram chhung District 8 atangin School ti tha naupang engemaw zat thlan chhuaha scholarship pek thin an ni dawn a. He ta tan hian pawisa cheng nuai 79 ruahman a ni. Scheme ang chuan school naupang kum 17 leh kum 22 inkar Higher Secondary zirlaite tan Rs. 10,000/- (cheng sing khat) pek  a ni ang a, pawl 6 atanga pawl 10 zirlai 10 -15 yrs. te hnenah pawisa Rs. 5,000/-  (cheng sang nga) pek an ni ang a, Post Graduate zirlaite hnenah Rs. 80,000/- (cheng sing riat) pek an ni dawn bawk a ni.

Science Exhibition hawnna ah hian Pu RS Chauhan, Dy. Director, SCERT chuan thu a sawi bawk a  ni.