Inthlanpui lo awm tur a tana inpuahchahna kal zel ah, Rilru fim leh thianghlim pu chunga Vote thlak pawimawh zia inzirtirna leh Vote nei tawh mitin ten vote thlak ngei tura inhrilhhriatna Systematic Voters Education & Electoral Participation (SVEEP) Awareness programme chu vawiin khan Kolasib DC Conference hall ah Kolasib DEO Pu Zoengsanga’n a hawng.

Bawrhsap chuan Vote thlak chu khua leh tui tha te tana tih makmawh ani tiin Vote khat pawh hi a hlu em em mai a, kan Ram rorelna khawla Ngaihdan pawimawh tak kan thawh theihna kawng khat a ni tiin Dikna chanvo kan neih hi ngai pawimawh in Vote nei tawh phawt chu tumah thlauhthla lovin vote an thlak theihna tur kawng dapsak chu mitin te mawhphurna ani a ti bawk. Bawrhsap chuan mahni Vote hralh mai loa, Rilru fim pu chunga Vote thlak chu mahni chhungkua ah theuh bul tan ila hmasawnna kawng kan zawh dawn ani ati bawk.

SVEEP Campaign hawn ni hian rilru thianghlim leh dik pu chunga Vote thlak leh mitin te tana Vote thlak chu kan mawhphurna ani tih inzirtirna (Ethical Voting) lam thuziak heng Pamphlet leh Bookmark a chhut kai te chu Sawrkar leh Mipui punkhawmna hmun hrang hrang bakah mipui chhuanna lirthei hrang hrangah te sem/tar an ni a, College leh Higher Secondary zirlai naupang te hnena sem chhunzawm tur niin SVEEP Campaign hnuaiah hian Inthlanpui neih hun thlengin Awareness activity hrang hrang neih chhoh zel tur a ni.

He hunah hian Election Officer Pu Vanlalchhuanawma Chawngthu, Pu Collin Hlychho, SVEEP Nodal Officer, Pu Joseph Lalrinmawia, SVEEP CoOrdiantor bakah Official dangte an kalkhawm a ni.