Vawiin khan Kolasib DC Conference Hall ah Thingtlang khaw fai inelna Swachh Survekshan Grameen (SSG)-2018 chu District Swachh Bharat Mission (G) chairman Dr.Arun T IAS chuan a hawng.

Khuallian chuan faina chu mihring nunphung hriselna a tana thil pawimawh ber pakhat ani tiin tun tuma faina kawnga inelna hi intihsiakna rilru (Ranking) ringawt ni lovin mipuiin faina chu rilru leh tihtak zeta kan ngaih pawimawh a hun tawh a, he inelna hi faina kawnga hma min sawn tir tu a nih theih nan kalkhawm te chu tan la theuh turin a chah a ni.

Swachh Survekshan Grameen (SSG) hi July ni 13, 2018 khan Sawrkar Laipui, Ministry of Drinking Water & Sanitation chuan a hawnna a nei a, he programme hi Swachh Bharat Mission (Gramin) hnuaia thingtlang khua faina kawnga an dinhmun endikna leh nihna (national ranking) pekna tura duan ani a, India ram chhunga State, District leh Village fai ber thlanchhuah ani dawn a ni.

Mizoram District hrang hrangte endik hna hi 1st- 31st August, 2018 chhungin M/s Hindustan Thompson Pvt.Ltd chuan an rawn nei dawn a, tehfung hrang hrang hetiang hian duan a ni:

1) Khawchhung Faina (point 30 a pu ang)- Mimal in, sikul, anganwadi, hall, Primary Health Centre, Bazar, Sakhaw hmun a inthiarna neih dan te, bawlhhlawh awm dan, tui thianghlim neih dan etc.

2) Mipuite Aw (Citizens Feedback) (point 35 a pu ang)- hemi a tan hian format siam a ni a, khaw hrang hranga sem chhuah a ni.

3) Online Reports (point 35 a pu ang) : Hetah hian IMIS report hrang hrang-ODF, Sanitation Coverage, Dysfunctional Toilet, geotagging dinhmun te endik a ni ang.

He endikna leh tehna hrang hrang atanga ti tha ber chuan 2nd October, 2018 ah lawmman an dawn dawn a ni.

Hemi bakah hian Kolasib District tan bik Thingtlang khaw fai inelna buatsaih leh ani a, August thla chhunga endik vek tum niin, lawmman pawh a hnuai ami ang hian ruahman a ni

1st Prize - Rs 30,000/-

2nd Prize - Rs 20,000/-

3rd prze - Rs 10,000/-

Consolation - Rs 5000/- (khaw 3 tan)

Hawnna inkhawm hi District Swachh Bharat Mission (G) member Secretary Er.H.Lallianmawia'n a kaihruai a ni.