Kolasib District huam chhunga My Project, My NEDP- Mipui Mamawh Intawm Ruahmanna (MiMIR)’ Project intihsiakna kal zelah vawiin khan Kolasib DC Conference Hall-ah Project Concept Paper tha thlanchhuah Joint Committee 10 ten Kolasib District MiMIR Committee hmaah PowerPoint Presentation hmangin an Project sawi fiahna hun an hmang.

Joint Committee 10 thlanchhuah te ina concept paper sawifiahna an neih te chu:

1) Kawnpu VC III - Kawnpui Multi-Sectoral Consortium.

2) Diakkawn - Bio-Gas: Bawlhhlawh Hmasawnna thlentu. (Waste to Energy)

3) New Builum - Fish farming : Cage culture & Pen Culture.

4) Vengthar - Creation of Public Recreational Park.

5) Khamrang - 150 Kw Power Grid Connected Solar power plant.

6) Bilkhawthlir North - Kuhva kau atanga Zoram Economy siamthat.

7) Lungdai - Vermicompost cum Waste Management.

8) Khuangpuilam - Establishment of Bio-Degradable disposable plates, cups, bowls etc.

9) Diakkawn - Maxi Cab terminal Building cum market.

10) Tumpui - Improvement/Development of Tumpui playground.

Heng Concept paper te hi District MiMIR Committee member te chuan tehfung hrang hrang heng Innovation, Sustainability, Community participation, Livelhood generation, Benefit to public, Presentation & Plan preparation etc te hmangin mark an pe dawn a, an zinga mark hmu sang ber thlanchhuah tur ani a, Result pawh a rang thei ang bera puanchhuah tum a ni.

District MiMIR Committee member te hi DC Kolasib Chairman, SDO (S) Member Secretary, EE PWD, EE P&E, EE PHE, District Research Officer (Economics & Statistics), DUDO (UD&PA), DLAO(LAD), PD (DRDA),  DFO (EF & CC), SDEO (School Education), leh Prominent Citizen te anni.