Kolasib-a transformer chhia thlakna turin vawiin hian Aizawl atangin 3.5 MVA a chak chu dah thlak a ni dawn.

Kolasib-a transformr hmanlai chhe ta hi, a chhiat chhan hi a hlui tawh vang chu ni bawk mahse, a chhan ber pakhat nia lang chu gas harsat avanga mipuiin dan lo anga electric heater an hman nasat lutuk avanga transformer hi a overload nia hriat a ni a, chumi zo lo chuan a chhiat phah ta ni. Hetiang dinhmun hi a thleng ang tih hlauin, Power Department chuan veng tinah YMA leh chanchinbu kaltlangin electric heater hmang lo turin mipuite hnenah ngenna an siam thin a, chutichung pawhin transformer hi a overload nasa reng tho a ni.

Transformer chhiat avanga Kolasibin hun enegemaw chen electric eng an nghei tih sorkarin hriain, vawiin khan Pu Lalthanzara, Parliamentary Secretary, P & E etc. chuan transformer thar dah tur thu hi a sawi a ni.