Vawiin khan Kolasib Bawrhsap Pu Zoengsanga kaihhruaiin Kolasib a Sawrkar hnathawkte leh College zirlai bakah NGO hruaituten Kolasib Parish Hall ah ‘Vigilance Awareness week’ pualin thutiam sawi rualna hun an hmang.

Inkhawm tawi buatsaihah Bawrhsap Pu Zoengsanga chuan kutlinglo leh mahni thawhrim rah nilo loa sum lakluh chu a zahawmloa a tlo lo bawk ani tiin mipui sum hmanna kawngah ‘Rinawmna’ nunpui a pawimawh thu a sawi.

Thil diklo taka titu te an hlim ngailo ani tiin he huna zirlai kalkhawm te chu Ram leh Hnam nghahfak an nih angin zirlai an nih lai atangin dikna leh rinawmna um turin a chah a, kan Ram leh Hnam a dam nana Rinawmna nunpui turin Pathian a pawimawh ber ani a ti.

He hunah hian Inspector F.Engkunga, ACB Vigilance Department in Awareness Week hman chhan leh kumina Week thupui ‘Integrity- A way of life’ chungchangah sawi zauna hun a hmang ani.