Nimin chawhnu khan Kolasib Assembly Constituency MLA Cup 2019 final chu Kolasib Sport Stadium, Project Veng ah khelh niin bialtu MLA Pu K Lalrinliana, Minister of State for Food, Civil Supplies & Consumer Affairs Department chu khuallian a ni a, he inelnaah hian Vengthar VC team ten MLA Cup Champion nihna an la a ni.

MLA Cup 2019 mipa final ah hian Saidan & Tuitha Veng VC team leh Vengthar VC team te inkhel in Vengthar VC team te hian 2-1 in hnehna an chang a, hmeichhe team ah hian Saidan & Tuitha Veng VC leh Diakkawn VC team te inkhelin Diakkawn VC team hian 3-0 in hnehna an chang bawk a ni.

Kolasib Assembly Constituency MLA CUP 2019 Inter Village Football Tournament-ah hian Kolasib Constituency chhunga Village Council football team 15 leh New Builum Village Council team te an tel a, hmeichhe team 6 an tel bawk a ni. Kolasib distrcit chhungah MLA CUP hi vawi 5 buatsaih tawh niin tun tum hi a vawi 6-na a ni.