2284/2025-2026

Kolasib, November 18, 2025 : Vawiin khan Kolasib DC Conference Hall-ah Pu Robert C. Lalhmangaiha, Kolasib Bawrhsap kaihhruainain ‘My Bharat District Core Committee’ te chu ‘Unity March’ hman dan tur relin an thukhawm.

He hunah hian Chairman Pu Robert C. Lalhmangaiha chuan thu sawiin, mipuite inkara inlungrualna leh inpumkhatna a awm theih nan Unity March neih chu thil pawimawh tak a nih thu a sawi a. India ram inpumkhatna atana sulsutu ropui Sardar Vallabhbhai Patel pawimawhna leh a hnathawh te tarlangin, Kolasib district chhunga Unity March chu ropui leh hlawhtling taka neih a nih theih nan theihtawp chhuah a nih tur thu a sawi.

Thutkhawmah hian Pu N. Satlianjoy, District Youth Officer, My Bharat chuan Unity March neih chhan leh kalphung tur hrilhfiahna a nei bawk.

Thutkhawmna  hian Unity March chu ni 21, Zirtawpni (Friday) zing dar 7:00-ah neih nise tiin a rel a. He hunah hian sawrkar office hrang hrangte, YMA leh NGO hrang hrangte chu tel tura sawm nise tih a ni. Unity March-a tel te hi  Kolasib Stadium-ah intawkkhawmin, he hmunah hian Bawrhsapin thusawina a nei ang a, Pledge (Intiamkamna) lakna hun a kaihruai bawk ang.

My Bharat Unity March hi India ram pumah thalaite leh mipuite inkarah inunauna, inpumkhatna leh ram hmangaihna thinlung tuh a nih theih nana buatsaih a ni a. Hei hi 'Iron Man of India' tia hriatlar Sardar Vallabhbhai Patel hriatrengna leh chawimawina puala hmalakna pawimawh tak a ni.

Vawiin thutkhawmah hian My Bharat Youth Officer, Addl. SP, DIPRO, MUP, MHIP leh Kolasib chhung NGO hrang hrang aiawhte an tel a ni.