2283/2025-2026

Dated: Mamit the 18th of November, 2025: Vawiin khan DC Conference Hall,Mamit-ah Mamit District Development Co-ordination and Monitoring Committee (DISHA) chu Pu Richard Vanlalhmangaiha, Lok Sabha MP leh Chairman DISHA kaihruaina hnuaiah thukhawm.

Lok Sabha MP Pu Richard Vanlalhmangaiha chuan DISHA member te,department hotute leh sawm bikte chibai bukin thutkhawmna hun tha an nei thei chu lawmawm a tih thu a sawi a, DISHA thutkhawm chu quarterly a neih thin niin a tam zawk a neih tum a nih thu a sawi. Lok Sabha MP chuan DISHA pawimawhna sawiin department hrang hrang hnathawh hriatna niin hnathawh ho dan sawi hona tha tak a nih thu a sawi a. Sawrkar Laipuiina a hmathlir Vikshit Bharat 2047- India ram chankang( developed country)kum 2047 a chawikan a ni a, hemi atan hian Mamit district chuan chanvo pawimawh tak neiin hmasawnna atan rilru leh ngaihtuahna seng theuh turin member te a sawm a ni.

Vawiin thutkhawmah hian department hrang hrang - Rural Development, Agriculture,Health & Family Welfare,Irrigation & Water Resources, PHE, Education, Commerce & Industries, Animal Husbandry & Veterinary Sciences, Fisheries, Social Welfare, Women & Child Development, Land Revenue & Settlement,UD&PA, Tourism, Geology & Mining, Tourism, Forest, Transport, Civil Supplies,ATMA, Lead Bank-hnuaia schemes leh programme kalpui mek te department hotute'n sawi zuana hun a nei a, hmalak tawh dan te sawi niin zawhna leh chhanna hun neih a ni a. Department hotute hian an harsatna te MP hnenah thlenin hmalak dan tur sawi a ni bawk.

Thutkhawmnah hian Pu K Laltlawmlova, District Bawrhsap leh Member Secretary DISHA ni bawk leh member te leh sawmte an tel a ni.

DISHA hi Sawrkar Laipuiin district tina a din a ni a, a tum ber chu Sawrkar Laipuiina schemes hrang hrang a duan-Centrally Sponsored Schemes-te kalpui dan endik leh hmasawn zelna tura thawhohna tha a awm theih nana hmalak dan ngaihtuah hi a ni.