No.1427/2020-2021

Kolasib: The 28th May, 2020: Vawiin chawhma khan Border Safety Monitoring Team, Kolasib District leh Kolasib Diakkawn VLTF te ruahmanna in Dr. H. Lalthlangliana, Kolasib District Bawrsap chuan Phaisen khua ramri dep a duty tur Diakkawn Branch YMA member te Kolasib DC Office tualzawl atangin a vailiam.     

Bawrhsap chuan, khawvel leh ramchhungah hripui avangin harsatna namen lohin min tuam mek laiin, kan la him zel chu a vanneithlak in a lawmawm a ti a. Hun harsatak kan tawn mek laiin ramria duty tur a inpe, mithahnemngai tak an la awm zel chu a lawmawm a tih thu a sawi. Duty-a chhuak turte hi fimkhur tak leh uluk tak chungin, tha thlah lova duty turin a chah a ni. 

 Vawiin a duty tur Diakkawn Branch YMA te hian an mahni ei leh in tur leh an kalna lirthei an intum vek a. Member mi 45 thawk chhuak in, a inchhawkin an duty dawn a. Vawiin atangin June  ni 03, 2020 zing dar 6:00 thleng Phaisen-ah an duty dawn a ni.