No.1097/2020-2020

Nimin khan Border Safety Monitoring Volunteer, Kolasib Distict hmalakna in Phaisen Border Outpost a, a khaw mipui te duty chhawk turin mi 23 te chu DC Office tualzawl atangin Kolasib District Bawrhsap Dr H. Lalthangliana’n a vailiam.

Bawrhsap chuan, “Hun harsatak kan hmachhawn mek ah, tlawmngaihna Mizo ten kan lan chhuahtir zel hi a ropuiin a thlamuanthlak hle a ni”, a ti a, “Mahni sum leh pai, tha leh zung seng a ram mu tur a fehchhuak te an fakawm tak zet a ni,” a ti bawk. Ramri dep a duty chu hri venna kawng a hna pawimawh tak a nih avangin tha thla lova thahnemngai taka duty turin DC chuan Tumpui Branch YMA Volunteer-te hi a fuih a ni.

Tun tum a ramri veng tur a in volunteer te hi Kolasib Tumpui Veng Branch YMA te an ni a. Anni hi Kolasib District Border Safety Monitoring Volunteer atanga tirh chhuah hmasak ber an ni. An ni hian an mahni ei leh in an intum vek dawn bawk a ni.