2007/2026-2027

Kolasib, 31st August, 2026: Vawiin khan Kolasib Bawrhsap Pu H. Dolianbuaia chuan nimin, August ni 30, 2026-a Kolasib khaw bul, Rengtetlangsang(National Highway-306 )leimin chu a hmunah kalin a enfiah. Bawrhsap hi DIPRO, Kolasib leh NHIDCL official te bakah an contractor ten an tawiawm a ni.

Bawrhsap chuan tunlai ruahtui a tlak nasat avangin mipuite leh lirthei khalh thinte fimkhur a tul thu a sawi a. Kawng siam leh enkawl hna thawk mektu NHIDCL leh an contractor te pawh leimin leh chhiatrupna thleng thei laka inring reng turin a chah a ni. Kawng chhiat avang emaw leimin avanga lirthei chet velnaah khuahkhirhna (traffic restriction) siam a ngai a nih chuan, a hma theih ang bera DC leh Police lam hriattir thin turin a chah bawk.

He lai hmun paltlanga khualzin veivakte pawh a tul anga fimkhur turin Bawrhsap chuan a ngen a. Lirthei khalhtu thenkhatte zingah kawng siamtute ruahmanna zawm lo an awm thin tih tarlangin, NHIDCL ten lirthei tlan dan tur ruahmanna an siamte chu tha taka zawm theuh turin a ngen bawk a ni.

Rengtetlangsang leimin hi thawktuten chak taka hma an lak avangin tun dinhmunah chuan thenfai  a ni tawh a. Lirtheite pawh harsatna awm lovin kalphung pangngaiin an tlan leh thei tawh a ni.