No.372/2020-2021

Food, Civil Supplies & Consumer Affairs Minister Pu K. Lalrinliana, Kolasib bialtu MLA ni bawk chuan tukin khan a bial chhung Bairabi khua a In chhia te a hmunah kalin a tlawh a, tanpuina a pe.

Bairabi khua a In chhia te hi nimin April ni 15, 2020 tlai a thlipui thawk thut leh ruahsur in a tihchhiat te an ni a, In chhia zawng zawng hi a vaiin chhungkaw 10 chenna bakah Church of God Israel Kohhran Biak In hulhliap chung a len chhiat te an ni. Heng chhungkaw 10 te leh Church of God Kohhran hnenah hian Bialtu MLA Pu K Lalrinliana hian Cheng 5000/- leh Silpauline pakhat theuh a pek bakah Sawrkar lam atang a tanpuina awm thei ang ang te pek thuai an nih tur thu a sawi.

Bialtu MLA Pu K. Lalrinliana hi DCSO Pu HC. Lallianzuala, Covid 19 Zonal Magistrate Pu ST. Lalhmingmawia, Bairabi SDC Pu Timothy R. Lalhmangaiha leh khawtlang hruaitute an tel a ni.