3560/2024-2025
Dated Kolasib the 16th December 2024: Vawiin khan Kolasib DC Bungalow chei chu Krismas leh Kumthar hun chhunga mipui tlawh theih tura hawn a ni a. He hun hi Kolasib DC, Pu Robert C Lalhmangaihan a kaihruaia, a hawngtu erawh Pu Zosanglura, DC office a Senior Staff a ni thung.
He hawnna Program ahhian DC chuan Kolasib mipuite chu Krismas leh Kumthar him leh dam tak a an hman theih nan duhsakna a hlan a. Bungalow chu mipui te tlawh theih turin Zan dar 10 hma chu a in hawng dawn a, chhungkua, a bik takin naupangten an hlimpui a beisei thu a sawi a. Bungalow tlawh tute chu ruihtheihthil kenglut lo turin leh buaina siam lo turin a ngen nghal bawk. Mitin in hlim leh lawm taka ruihhlo tello a krismas leh Kumthar hun an hman chu a duhthusam a ni, a ti.
Vawiin a Bungalow chei hawngtu Pu Zosanglura hi DC office a senior Staff a ni a. Vanduaithlak takin natna khirh tak avangin hun reitak hna thawk tha thei lovin a awm a, he hun hmang tur hian Kasib DC leh office staff ten duhsak takin an ruat a ni.
DC Bungalow hi tlai lam Dar 5:00 atanga zan dar 10:00 thleng hawn thin tur a ni anga, mipui a tlawhtute heng a hnuaia mite hi zawm ngei tura ngen leh hriattir an ni bawk;
1. Motor tlanluh phal a ni lo.
2. Meizial zuk khap a ni a, tin meizial bung leh bawlhhlawh paih mai mai phal a ni lo.
3. Zu leh Ruihtheihthil reng reng ken luh phal ani lova, rui chunga luh phal a ni lo.
4. Bungalow cheina hmanruate dimdawi tur a ni.
