380/2026-2027

Kolasib, 5th May, 2026 : Vawiin chawhma dar 11:00 khan DC Conference Hall, Kolasib-ah Kolasib Deputy Commissioner Pu H. Dolianbuaia hovin District Planning Committee (DPC) te an thukhawm a. He hunah hian Mizoram District Transformation Programme (MDTP) hnuaia District Catalytical Intervention Plan (DCIP) atana hna thawh tur (approved works) pawm fel tawh hrang hrangte kalpui dan tur sawiho a ni.

Thutkhawm kaihruaitu Kolasib DC Pu H. Dolianbuaia chuan hna thar thawh tur hrang hrangte chu a ruahmanna tarlan (Detailed Project Report - DPR) ang thlapa thawk turin implementing department/agency te a chah a. Nakina Audit in a rawn endik theih reng a nih avangin lehkha pawimawh (paperwork) leh sum hman dan kimchang felfai taka vawng turin a chah bawk.

DC chuan heng hmasawnna hna te hi mipuite tana thawh a nih angin, mipuite khawsak phung leh dinhmun tihhmasawn nan a ni tih hre reng chunga uluk taka thawk turin a chah a. Nakina hmasawnna hna dang lo kal leh tur leh sum (fund) rawn kal zel turte pawh tun hna thawh that leh that lohah (performance based) a innghah dawn avangin, quality tha thei ang bera hna thawk turin a fuih a ni.

Vawiin DPC thutkhawmah hian DCIP hnuaia hmasawnna hna kalpuitu tur Department aiawhte an tel kim hle a, chung department te chu a hnuaia tarlan te hi an ni:

District Urban Development Officer (DUDO), UD&PA

Deputy Commissioner (DC) Office, Kolasib

District Sericulture Officer (DSO), Sericulture Department

District Research Officer (DRO), P&PID

District Information & Public Relations Officer (DIPRO), I&PR Department

Government Kolasib College