381/2026-2027

Lawngtlai,5th May 2026: Vawiin khan Lawngtlai District Education Committee chuan an Chairman leh Bawrhsap nibawk Pu Donny Lalruatsanga hovin DC Conference Hall-ah thutkhawm an nei.

Pu Donny Lalruatsanga chuan kal khawmte hnena lawmthu sawina a nei hmasa a.Lawngtlai District - chu Zirna lamah a hniam hle tih tarlangin, zirna tihmasawn turin theihtawp chhuah a tul tak zet a ti a. Lawngtlai District - chu Autonomous District Council (ADC ) hnuai a nih angin Mizoram sawrkar hnuaia Education Department bakah LADC leh CADC hnuaiah School engemaw zat a awm a, heihian harsatna thlen lo a, hmasawnna zawk a thlen theih nan thawhhona tha tak a awm a pawimawh hle tih a tarlang a. Zirna kawnga District dangte entawntlak ni turin Zirtirtu, Nu leh Pa bakah zirlaite an pawimawh hle tih sawiin, theihtawp chhuah turin a fuih a. Pu Donny Lalruatsanga chuan HSLC leh HSSLC -result chhuaktaa  Lawngtlai District dinhmunah hmasawnna tur kawng tam tak a awm tih tarlangin, a bik takin line department- te theihtawp chhuah chhunzawm turin a chah a, sawrkarin zirna kawnga  hmalakna a neih  kawng hrangah  Lawngtlai District- mipuite pawh tha taka tawiawm thin turin a sawm nghal bawk.

Thutkhawmah hian Pu H. Laltanpuia , Addl. DPC Samgra, Lawngtlai chuan Lawngtlai District-chhunga Primary School atanga Higher Secondary School thlenga hmasawnna hnathawh hrang hrangte leh hmabak hnathawh turte tarlanna leh sawifiahna a nei a. High School Leaving Certificate (HSLC) leh Higher Secondary School Leaving Certificate (HSLC) a Lawngtlai District pass dan tlangpui ngaihthlak niin, HSLC - ah Regular Candidate - 1784 awmin Pass percentage - 61.49%, leh Private Candidate- 42 awmin, Pass percentage - 61.90 % a ni a. HSSLC - ah Arts - ah Candidate - 685 awmin, Pass Candicate- 516 niin, pass percentage - 75.32 %, a ni a.  Science- ah Candidate - 45 awmin, Pass Candidate - 34 niin, pass percentage - 75.55 %, niin Commerce- ah Candidate- 37, awmin Pass Candidate - 32 niin, pass percentage- 86.48% a ni a. Committee-  chuan tun  aia dinhmun tha zawk hauh thei tura hmalak ni se an ti a ni. School - in a mamawh bungrua leh building siamthat ngai leh tul dangte chu ziakin thuneitu sang zawk hnenah  thlen ni se an ti a. Raltlan School - Council Veng Camp, Bethel Camp leh College Veng Camp - a awm mekte chu a theih chin chinah tanpui ni se an ti bawk a ni. 

Vawiin thutkhawmah hian Lawngtlai District Education Committee Member - te an telkim tha hle a, Pu Donny Lalruatsanga chuan lawmthu sawina neiin hun a khar.