4296/2025-2026

Dated Kolasib the 5th February 2026: Vawiin khan Kolasib DC Conference Hall-ah kumin January ni 26-a India Republic Day vawi 77-na hman zawh tak thlirletna hun neih a ni a. He hun hi Kolasib DC Pu Robert C. Lalhmangaiha chuan hovin, sawrkar department hrang hrang hotute, NGO, MJA, khawtlang hruaitute leh pawl hrang hrang aiawhte an kalkhawm a ni.

He hunah hian Kolasib DC chuan Republic Day hlawhtling taka hman a ni thei chu lawmawm a tih thu a sawi a. Department, pawl leh mimal hrang hrangte'n an chanvo tha taka an hlenchhuak thei chu fakawm a tih thu sawiin, hmabak awm zel turah pawh tan la chhunzawm zel turin a chah a ni. DC chuan India sawrkar ni pawimawhte chu urhsun taka hmang thin turin kalkhawmte chu a chah a. Thil tihkhawmna-ah famkim lohna leh duhkhawp lohna lai a awm thin chu pawi a tih thu sawiin, inhriatthiam tawnna nena kal a tul thu leh, nakin zela hmasawnna turin ngaihdan thawhkhawm turin a sawm bawk.

Thlirletna hunah hian Republic Day lawmna atana sum senso leh hun hman dan hrang hrangte sawiho a ni a. Kalkhawmte chuan kumin R-Day lawmna chu tha thawkhat viau ah ngaiin, hun lo kal zel turah erawh ruahmanna felfai zawk nena kalpui nise an ti a ni. Tarlan tawh angin kumin Republic Day lawmna Kolasib Sports Stadium-a neihah hian DC Pu Robert C. Lalhmangaiha chu Khuallian niin, hnam puanzar a pawt pharh a ni.