4297/2025-2026

Dated Siaha, February 5, 2026: Vawiin chawhma dar 10:00AM khan DC Mini Conference Hall, Siahaah Mizoram State day puala a ruala tawngtaina neih dan tur relin thutkhawm a ni a, Siaha khawpui chhunga kohhran hrang hrang aiawh an tel.

He hun hi Mizoram State day of Prayer, Siaha district organising committee Chairman Rev. C. Beima-in a kaihruai a, Pu Lalkunga, Mizoram State Day of Prayer Executive Committee member-in State day of prayer hman tan dan leh hman a nih chhan sawifiahna a nei a, rorel chhunzawm a ni.

Mizoram State Day - February 20, 2026 khian Siaha khawpui chhunga kohhran zawng zawngte dar 11 atanga dar 4 thleng a huhovin Presbyterian Biak in, Siaha-ah tawngtairualna neih ni se, hun hman dan tur kimchang chu OB te’n ruahmanna lo siam se tih a ni.

State day of Prayer Siaha district organising committee-ah hian Deputy Commissioner chu Patron niin, Senior adviser atan Pu Abraham Beirazi Khithie, Additional DC leh Pu Beimosia Lapi, Additional SP chu ruat an ni bawk. Rev. VL. Ngaia’n tawngtaina a nei a, rorel tihtawp a ni.