Bairabi – Sairang Rel kawng sial tura sawrkarin ram a lak tur chungchangah Kolasib DC Pi Niharika Rai, IAS chuan sawiselna leh sawi duh nei apiangte chu rang taka a hnena inthlahrung lova thu thlen tur leh June 14, 2012 ral hma ngeia thlen turin a ngen a. Hemi hun chhunga an thlen lo a nih chuan chinfel sak a harsa tawh dawn a ni, a ti.

Pi Niharika Rai chuan Khaw panga (5) , Bairabi, Kawnpui, Hortoki, Mualkhang leh Khamrang ramte dan anga teh an nih hnuin Bairabi atanga complaint a awm loh avangin tun dinhmunah Award peihfel a ni tawh, a ti a. Kawnpui, Mualkhang leh Khamrang ramte chu thil felhlel a awm avangin Special Team –in June ni 1 atang khan uluk takin an ennawn leh a. Kawnpui bik hi chu an zo tawhin a tha tih Team tehian an hmu a, Mualkhang leh Khamrang hi anla ti mek a, heng an endikna tehi Video in thla an la zel a ni. Hortoki hi ram neitu tamna ber a niin 600 lai an awm a. Tlaikhaw hnuah he khua atanga complaint thenkhat dawn a nih avangin DC chuan Survey team (Random Sampling Basis) a tir leh mek a. Anni hian Pass awm ang ang leh thing leh thlai hlutna te uluk taka enin an pawisa dawn tur nen a inmil chiah em tih DC ah hian an thehlut leh dawn a ni.

DC chuan ram lak tur chungchangah hian sawisel duh nei apiang a hun lai taka sawi turin a chah a ni.