New Delhi a cham mek Chief Minister Pu Lal Thanhawla chuan vawiin khan Union Minister for Power Sushil Kumar Shinde chu a office ah hmuin, inkawmna hun tha tak an nei.

Chief Minister chuan Tuivai Hydel Project 210 MW kawlphetha pechhuak thei tur, central sorkarin pilot project a kalpui tura tih in, harsatna neuh neuh a tawh avanga a kal chakpui theih loh thu Power Minister hi a hrilh a. Hun engemaw chen an sawidun hnuah Power Minister Pu Shinde chuan harsatna awm te chu a hma thei ang bera lo chinfel a tiam a. Pu Lal Thanhawla chuan hnathawh bul tan a nih thuai theih nan July thla emaw khian a lungphum rawn phum turin a sawm nghal a, Shinde chuan lawm takin a pawm nghal bawk a ni.

Chief Minister Pu Lal Thanhawla hi Pu Van Hela Pachuau, Chief Secretary leh Pu T.P.Khaund, Principal Adviser to Govt of Mizoram ten an tawiawm a ni