375/2025-2026

Dt. 29th April, 2025 (Tuesday): Vawiin chawhnu  khan Pu Robert C Lalhmangaiha, Deputy Commissioner, Kolasib chuan Kolasib District- Chief Judicial Magistrate hna rawn zawm thar Pu V. Vanlalhriata chu a office-ah inlawmna thingpui a inpui.

Kolasib DC Pu Robert C. Lalhmangaiha chuan CJM thar chu Kolasib District-in thinlung taka an lo lawm thu sawiin, tha taka thawhpui atan a sawm a. District administration, Police leh Court lam bakah MJA te, tlawmngai pawla hruaitute kan thawhho that phawt chuan Kolasib District chuan hmasawn loh chu hmabak an nei lo, a ti a. Thahnemngai taka mipui tana thawkho turin a sawm nghal bawk.

Kolasib Chief Judicial Magistrate thar hi Pu V. Vanlalhriata, Hnahthial Lungleng Veng-a khawsa niin, 2017 batch MJS a ni a, Kolasib-ah 23rd April, 2025 khan hna a rawn zawm a ni.

CJM thar lawmna thingpui inhonaah hian Pu David H. Lalthangliana, Sr SP, Kolasib District, Pu David A. Lalhmingchhuana, DIPRO, Kolasib, Zonunmawia, MJS, Judicial Magistrate (DJMFC) te bakah MJA, Kolasib District OB-te an tel a ni.