374/2025-2026

Champhai, 29th April 2025: Ministry of Information & Broadcasting hnuaia cheng nuai 100 senga CHANEM Building-a din ‘Experiential Learning Centre (ELC) Management Committee’ chu an Chairman, Bawrhsap Pu Mohammad Aaquib a hovin DC Conference Hall, Keifangtlangah an ṭhukhawm.

Ṭhutkhawm kaihruaitu Pu Mohammad Aaquib chuan Experiential Learning Centre mumal zawka kalpui dan tur ngaihtuah tura ṭhutkhawm koh anih thu sawiin, Champhai District-a zirlai naupang te tan inawmtleina leh tunlai thiamna hmelhriatna hmun ṭha anih theih nan ṭan lak a ngai a ni, a ti a. ELC tihchangtlunna tura hmachhawp hrang hrang te a sawi hawng nghal a ni.

ELC Management Committee hian zirlai District chhunga sikul leh college naupangte tan May ni 16, 2025 khian ‘ELC Exposure Programme’ huaihawt ni se tiin an rel a. He mi ni ah hian zirlai naupangte tan ELC hi a thlawna tlawh theih tura buatsaih a ni dawn a ni.

ELC-ah hian Artificial Intelligence leh Virtual Reality hmang ‘Gaming Zone’ te, ‘HoloWorld’ leh video fiah zawk (High Definition) hmanga thil awm dan inhrilhfiahna hmun ‘Viewing Room’ te a awm a ni.