3605/2022-2023

Kolasib dated 16th February 2023: Vawiin chawhma khan KVK, Kolasib, State Agricultural Management & Extension Training Institute (SAMETI) leh National Institute of Extension Management (MANAGE) tangkawpin,‘Skill Training of Rural Youth on Vermi-Composting & Pig Rearing and Management’ an buatsaih a. Pu John LT Sanga, Deputy Commissioner chuan Training hawnna hun hmangin Dr. Michelle C.Lallawmkimi, Senior Scientist & Head, KVK, Kolasib chuan hun a kaihruai a ni.

Kolasib DC Pu John LT Sanga chuan Kolasib district thalaiten eizawnna tlak thiamthil an neih theih nana Sawrkar Office hrang hrangin Training an buatsaih thin chu lawmawm a tih thu sawiin thiamthil chhawr tlak leh rintlak, khawtlang tihhmasawnna atan a thil tangkai zir chhuah tum theuh turin kalkhawmte a fuih. Mithiamte kaihhruaina hnuai a inzirtirna mumal tak kalpuina chuan huan, lo, ram leh ran enkawl dan kalphung hlawk zawk leh sawt zawk a hrin chhuah thin avangin intodelhna kawngah pawh tunlai thiamna thar hman tangkai a pawimawh thu Deputy Commissioner chuan a sawi a. Thalaite chu ram leh hnam innghahna pawimawh tak an nih angin mahni phak tawk ah eizawnna tling thiamthil tangkai an neih a tul thu a sawi.

Dr. Michelle C.Lallawmkimi, Senior Scientist & Head, KVK, Kolasib chuan kuthnathawktute tihhmasawn nan Sawrkar office hrang hrangin hna an thawh thin thu sawiin harsatna leh mamawh an neih ang angte chu Department hotute hnen ah inthlahrung miah lo a thlen thin turin training chhimtute chu a chah.

‘Skill Training of Rural Youth on Vermi-Composting & Pig Rearing and Management’ hi March ni 1 thleng kalpui tur niin Natural Farming Society, Serlui Zau, Kawnpui leh Piggery Farming Society, Kolasib atangin mi 30 an tel a. Vermi-Composting, Pig Rearing & Management, Disease Management leh Economics of Pig Farming tih thupui ahte zirtirna pek a ni ang.