2112/2024-2025

Dated Kolasib the 18th September 2024: Kolasib DC Pu Robert C Lalhmangaiha chuan vawiin khan SDO(C) Kawnpui Mini Conference Hall-ah Kawnpui leh Kolasib inkar kawngpui kama Lung Quarry neitute a kawm a. DC Kolasib chuan ‘National Highway humhalhna leh enkawlna chu Dan hnuaia awm a ni a, lung Quarry enkawltu leh neitute chuan Dan an zawm ngei tur a ni, a ti a. Chuvang chuan dan ngai pawimawh a zawm hram turin a chah.

DC Kolasib chuan ‘Hna thawh an duh a, in eizawnna a kal zel theih nan Highway leh a reserve chin chu an tihnawk thiang lo a a ni, a ti a. Tihnawk lo turin an inbuatsaih a ngai takzet a ni  tiin quarry bul hnai vel an thenfai loh avanga mipui harsatna  tawh  hrang hrang a sawipui a ni.

He hun hi SDO(C) Kawnpui Pu Muhammad Aaquib, IAS chuan a kaihruai a; kum tam tak kalta atanga mipui harsatna tawh thin leh Sawrkar anga sutkian tumna kawng hmalakna hrang hrang a sawi a. Tun hnai-ah pawh tih ngei tur thil tul an lo inhrilh tawh thu a sawi nawn leh a ni.

Vawiin-a sawihona ah hian karleh Nilaini (Dt 25.Sept.2024) ah SDO(C) Kawnpui hovin Lung quarry te chu a hmun enfiah tur a tih a ni a; chumi hma chuan Quarry neituten thenfai ngai zawng zawng lo thianfai tura tih an ni . Enfiah hunah Highway Reserve chin tih fiah a ni ang a; chutah chuan chhinchhiahna siam a ni ang.

He hun ah hian NHIDCL hotute leh Contractor te an tel bawk a. DC chuan ruah sur a kiang tan a; hnathawhna hun tha a inher chhuak mek a; muang lova thawk turin a hrilh bawk a. Highway enkawltute chu lung chang tha bik State pawn atanga la lut turin thurawn a pe bawk.