Nimin khan Kolasib DC Pu H. Lalengmawia, IAS chuan Sub Headquarters YMA Kolasib te sawmna angin, YMA ina an enkawl mek Rengtetlangsang Park a tlawh a. A hmunah hian Sub Headquarters YMA Kolasib ten amah leh a tawiawmtu officer dangte lo dawngsawngin Park chanchin leh helai hmun cheibawlna atana an hmalak tawh nate an hrilh a. Pu H. Lalengmawia chuan YMA hruaitu te’n helai hmun mipuiin an tlawh thei tura an buatsaih hi fakawm a tih thusawiin mihringin kan nunah hian intihlimna leh hahchawlna hmun te kan mamawh fo thin a, hetiang hmun YMA tena an lo ruahman hi a finthlak hle nia a hriat thu a sawi a. Helai hmun cheibawlna atana hmalakpui a tum thu Sub Headquarters YMA hruaitu te a hrilh bawk a ni.

Rengtetlangsang Park hi kum 2004 chhoh vel atang khan Sub-Headquarters YMA in a bultanin a hmun hma te an bautsaih a. A kalkawng hi harsa viau mahse mipuiin an hlut a, Mizoram hmun hrang hrang atangin tlawhtu pawh an awm reng a. Nikum vel khan a panna kawng hi a tha lo a, mahse tunhnai khan YMA hmalakna in a chuan a kawng hi cheithat leh ani a, tunah chuan Gypsy leh motor te chi a kal thei tawh a ni. Helai hmun atang hian Kolasib District leh a chhehvel chu thui tak a thlir thei a ni.