2355/2024-2025

Dated Kolasib the 3rd October 2024: Nimin tlai khan Kolasib DC Pu Robert C Lalhmangaiha chuan Saihapui V tlawh in  khawtlang hruaitute nen an inkawm.

Kolasib DC in Saihapui V a tlawhnaah hian  Saihapui V khawtlang hruaitute hian an khawtlanga chhungkaw thenkhatin Mizoram leh Assam ramri buai hnua an huan leh thlai an enkawl zui theih tak loh avanga ei leh bar an zawnna kawnga an harsatna tawhte DC hnenah hian lo thlen in, heng an ram te hi an enkawl leh theih nana hma lak sak turin DC hi an ngen a ni.

Khawtlang hruaitute leh chhungkaw thenkhat aiawhten  an mamawh hrang hrangte DC hnena an thlen hnu hian DC chuan an harsatna tawh te chu tun maia sutkian zung zung theih nilo mahse, theihtawp chhuah a chinfel ngei a nih theih nan kawng a dap tur thu a lo hrilh.

Kolasib District chhunga Mizoram leh Assam inrina Saihapui V ram chhung ah hian hun rei tawh tak ata tawh Saihapui V a mizo awm ten inhmun ram  neiin huan leh thlai te chingin an lo luah tawh a. An ram chhungah hian a then in leilet neiin, a then erawh kuhva kung, oil palm leh thingrai te phun in ei an zawng a. Amaherawhchu  Mizoram leh Assam ina ramri buaina an neih tak hnu hian heng ram neitute enkawl mek, Mizoram leh Assam inkar a an huan leh thlai thenkhat te hi an enkawl zui thei ta lova. Hei vang hian  an nitin eizawnna kawngah harsatna an tawk nasa hle a ni.

Kolasib DC hi Pu H. Lalramliana SDO (Sadar), Kolasib, Pu H. Vanlalbiakzauva, SDO (C), Vairengte leh Pu David A. Lalhmingchhuana, DIPRO, Kolasib District ten țawiawmin Pu Vanlalzawna, Saihapui V -VCP leh VC members ten an lo dawngsawng a, khawtlang hruaitute nen inkawmna an neih hma hian Saihapui V a   IR Post leh Police check gate te a tlawh bawk a ni.