2354/2024-2025

AIZAWL; the 3rd October, 2024: Vawiin chawhma dar 9:30AM khan Mizoram Larsap Pu Indra Sena Reddy Nallu chuan Raj Bhavan Mini Conference  Hall-ah Food Civil Supplies & Consumers Affairs, Food Corporation of India(FCI) leh Indian Oil Corporation(IOC) official te meeting a neihpui.

Meetingah hian Larsap chuan official te  atangin  Oil, LPG leh buhfai-a Mizoram dinhmun te, Mualkhang Bottling Plant leh Mizorama godown awm zat leh buhfai chhekkhawl theih zat te,Thla khata LPG kan mamawh zat leh kan dawn dan te a zawt a. FCS&CA, FCI leh IOC Official te chu mipuiin Buhfai, Oil leh LPG a harsatna kan tawh loh nan tang mar pat reng turin a chah hlawm a.

Harsatna an neih chuan a hnena thlen hreh loh tura official te chu hrilhin, sawrkar laipui lama an hotute hnenah pawh an harsatna te thlensak a, an harsatna te sukiang tura theitawp chhuaha hmalakpui a inpeih reng thu a hrilh hlawm bawk a ni.

Tun dinhmunah hian FCI Godown-ah buhfai 13,000MT awm mekin, FCS& CA godown-ah 8659.33MT a awm mek bawk a. October quota sem tawh niin, November qouta pawh kar leh lawkah sem leh a ni tur thu FCS&CA official te chuan Larsap an hrilh a ni.

Larsap hian meeting zawhah Raj Bhavan kawtah Messua Ferrea (Herhse) tiak a phun nghal a ni.

Vawiin meetingah hian Pi Saizikpuii, Director,FCS&CA, Pi Zomuanpuii, Divisional Manager, FCI, Pu Priyarayan Kumar, Manager, CC&LPG Sales leh Pu Victor Lalawmpuia, Deputy Director,FCS&CA te bakah Pu V. Lalsangliana IAS, Secretary  to Governor,  PS leh PRO to Larsap Governor te an tel a ni.