1775/2024-2025
Dated Kolasib, the 28th August, 2024: State Election Commission hriattirna 27.08.2024 a tihchhuah angin VC06040 - Kolasib Saidan leh VC06036 - Nisapui huam chhungah General seat atan By-election chu September ni 24, 2024 ah buatsaih a nih dawn avangin Model Code of Conduct hman tur a ni a, he Model Code of Conduct hian inthlan hun chhung leh result puan thleng a huam dawn a ni.
He By-Election neih tur chungchangah hian Kolasib DC, Robert C Lalhmangaiha, District Election Officer chuan a hnuaia tarlan ang hian hriattur pawimawhte a tichhuak a ni.
1. Identification of Electors: Vote thlak tur te chuan an nihna tichiang turin Election Commission of India in a siam EPIC an keng ngei tur a ni a, an neilo anih chuan mahni nihna tichiang thei tur Identity card dang an keng tur a ni. Vote thlak a nih dawn in vote - 'neitu dik tak a ni' tih chian theih a nih loh chuan vote an thlak ve thei lovang.
2. Conduct of Officials: State Election Commission chuan inthlan a buatsaih na ah mawhphur tu tupawh in duhsak bik emaw hlauh bik emaw an neih a remti lova a lai thei ang ber a hnathawk tur a beisei an ni. An zavai hian inthlan zawh hma chu State Election Commission hnuaia deputation a kal anga ngaih an ni a, Commission thuneihna hnuai ah an thawk a ni.
3. Common Election Camp: Party worker-te inkarah boruak thalo pumpelh nan Polling Station bulah Political Party te leh Candidate te awmkhawm nan Common Election Camp pakhat chauh siam phalsak an ni a, he camp hi mawlmang thei ang bera siam tur a ni. Flag-te, Poster-te, Symbol-te !eh thuziak, political party emaw candidate lam kaihhnawih ziahna engmah tar loh tur a ni. He camp-ah hian pawmtlan theih tuemaw in a ho ang.
4. Village Council Team: Tun tum By-Election-a Village Council member thlan thar term hun chhung hi General Election to Village Counil, 2020 term tawpa rualin a tawp ang.
5. Model Code of Conduct: He By-Election ah hian dan pangngai ang thlapin Model Code of Conduct a awm anga, chu chu vawiin atangin By-Election neihna tur khua Village Council Constituency huamchhungah lekkawh a ni. He Model Code of Conduct hian Political Party zawng zawng te, Contesting Candidate zawng zawng te, Member of Parliament-te, Minister-te, MLA-te, MDC-te leh Corporator/ Councillor-te Village Council inthlanna inhnamhnawih Public Servant te a huam ang.
