1776/2024-2025

Siaha the 28th, August 2024: Nimin chawhnu dar 2 khan DC Mini Conference Hall, Siaha-ah District Bawhsap Pu VL Hruaizela Khiangte hovin India Independence day vawi 78-na Siahaa hman dan thlirletna hun hman a ni. He hunah hian sawrkar department hrang hrang bakah MJA, Joint VC leh Siaha District Football Association aiawh te an tel.

Bawrhsap Pu VL Hruaizela Khiangte chuan department hrang hrang tanrualna leh thawhhona tha tak avanga Independence Day tluang leh felfai taka hman a ni thei chu a lawmawm hle tiin, kum dangah pawh chhawmnun chhunzawm zel a tul thu a sawi. Khuallian Minister Pu K. Sapdanga, Home Minister pawhin amah tawiawmtute chungah lawmthu sawiin Mara Autonomous District Council Office leh a department chan hrang hrang a tlawhnaah pawh tha taka an tawiawm bakah an dawnsawn danah lawmthu a sawi let hial thu member-te hnenah a sawi lang bawk.  

He hunah hian zau takin hun hman dan thlirlet a ni a, a vawi khatna atan Siaha District Football Association (SDFA) Artificial ground Meisatla-ah hun hman a ni a, mipui lam pawhin an hlut hle ni a a lan thu sawi niin a tlangpui thuin a tha thawkhata ngaih a ni. SDFA pawhin Independence Day zar zova field leh a chhehvelah hmasawnna tam tak an neih thar avangin lawmthu an sawi a, hun lo kal lehzel turah pawh sawrkar ni pawimawhah hman duhna a awm a nih chuan lawm taka an pawm thu an sawi bawk.  School naupang parade zingah tlu an awm thin avanga harsatna tawkte enkawlna tha zawk a dawn dan tur leh hun lo kal zel turah pawh inzirtirna uluk taka neih a tul thu sawi lan a ni.   

Pu Vanlalchhuanliana, SDO (S) hnen atangin Independence Day hmanna senso hrang hrang ngaihthlak a ni a, kuminah hian a vawi khat nan SDFA ground Meisatla-ah hun hman a nih avangin kum dang aiin pawisa hman a tam a; bungrua hrang hrang hman chhunzawm theih a awm nual avangin kum dangah chuan senso tlem zawka hman a nih  a rin thu ngaihthlak a ni. Siaha-a Independence Day hmanna tur ah hian department hrang hrangah pawisa thawh tura ngenna lehkha pek an ni a, a tlangpui thuin an thawh tha viau a, pawisa lut zawng zawng hi Rs. 4,35,000.00 a ni. Independence Day 2024 pual hian district chhunga home hrang hrang, hospital-ahte leh jail-ah Rs. 3000.00 theuh pek a ni bawk .