3825/2024-2025

Dated Kolasib the 16th January 2025: Vawiin khan Kolasib DC Conference Hall ah  Brig C Vankunga Shopping Centre Management Committee chuan thutkhawmna an nei a. He hun hi Kolasib DC Pu Robert C Lalhmangaiha, he committee a Chairman ni bawk chuan a kaihruai a, Shopping centre chungchanga ruahmanna leh hmalakna tur chhawpchhuah te sawihona neih a ni.

Distrtrict Urban Development Officer, Pi Josephine Zonunsangi chuan vawiina an thutkhawm chhan sawiin Brig C Vankunga shopping Centre chu UD&PA kutah awm mahse tihdanglam leh hna tul zual khawih turin Management committee phalna lak hmasak zel a ngaih thu a sawi a. Hemi denchhen hian sawiho tur hrang hrang te lo chhawpchhuakin; chungte chu: Building pawn lam rawng hnawih that, building tui leak repair, tui pipe siam that hna, shopping staff chungchang, dawr luahtute chungchang leh lift siamthat chungchangte an ni.

Committe hian thurel tur  chhawpchhuahte chu ngun taka an ngaihtuah hnu in rawng hnawih that te, tui leak repair te leh lift  leh pipe siam that te chu an remti tlang a. Staff chungchangah hian an sum luhna hnar lian ber, building luahtu Mizoram Rural Bank hmun danga an insawn chhuah tak avangin tuna staff an chhawr mek te zingah pahnih bak chu tun dinhmunah chhawr zui a rem rihlo tih chu committee thutlukna a ni a. Building chungchanga inkaihhruaina thar duan ni se tiin an rel bawk.

Brig C Vankunga Shopping centre hi Kolasib Diakkawn ah awmin thla bi a man chawiin dawr engemawzahin an luah a. Heng dawr luahtute hian DUDO, UD&PA Kolasib hnenah dilna an thehlut thin a. Shopping Centre inkaihhruaina pawh Management Committee hian a duang bawk. Chairman in Building enkawlzui zel nan a tan la tura member kalkhawmte fuihna a neih zawhin vawiin a thutkhawmna hi tihtawp a ni.