3824/2024-2025

Aizawl dated 16th January 2025: Vawiin khan India hmarchhak state-a Film Indistry tihhmasawnna tur a Film Exhibition kalpui dan tur relin Video Conference neih a ni a. He hun hi Pu Prithul Kumar, Joint Secretary, Ministry of Information & Broadcasting leh Managing Director, National Film Development Corporation-in a kaihruai a, Mizoram, Tripura, Arunachal Pradesh, Meghalaya, Nagaland, Manipur, Sikkim, Assam-a I&PR Nodal Officer-te leh NFDC-a thawktute an tel a ni.

Pu Prithul Kumar, Joint Secretary, I&B Ministry chuan India hmarchhak state-a Film Industry tihmasawn tur chuan Film lam a tui mite cho phurna tur a hmalakna kalpui a pawimawh thu sawiin chumi tur chuan Northeast State chhung a District engemaw zah ah Film Exhibition buatsaih tur a ruahmanna kalpui a nih tur thu a sawi a. International leh Domestic Film maker-ten India hmarchhak state hausakna leh mawina an hmelhriat a an hman tangkai theih nan Film siamna tur a hmunhma kan neih te, film chang thiam kan neih te leh hmanrua leh puihna (Services) kan pek theih ang ang felfai tak a ziah luhna, India Cine Hub Portal chu hmang tangkai turin Video Conference-a tel te chu a chah a ni.

He hun ah hian Film Exhibition kalpui dan tur ruahmanna siam te, State hrang hrang atangin ngaihthlak a ni a. Mizorama kalpui dan tur sawi fiahna hi Pu Pratap Chhetri, Deputy Director leh Nodal Officer, Film Promotion chuan a nei a ni. Mizoram ah thalai thahnem takin Film industry chu eizawnna atan an hman chhoh mek thu te, mumal tak a kalpui a ngaih thu leh Film Exhibition buatsaih a nih chuan Film siam lam a tui mite hnen ah chona leh phurna nasa tak a thlen a beisei thu a sawi.