Mizoram Larsap-in nimin zing lamah Turial Hydel Electric Project hmun a tlawh tum naah a hmunah amah dawngsawng tura kal Kolasib DC Pu H. Lalengmawia IAS, Kolasib SP Pu C. Lalzahngoa, SIRD Director Pi Maria CT Zuali leh Kolasib District-a senior officer dangte chu an haw lamin Saiphai a, 33/11 2.5 MVA Sub Station peihfel tep tawh chu an tlawh a. He hmunah hian P&E Department Senior EE Pu R. Romawia chuan an hnathawh tawh chin leh an hmabak te hrilhin he hna hi March thla tawp hmaa zawhfel beisei a nih thu a sawi a. Kolasib DC chuan he hna hi zawhfel anih hunah chuan Saiphai leh a chehvel khua te tan malsawmna anih thei thusawiin hna hi zawh thuai anih theih nan an theihtawp chhuah turin P&E a hna thawk te chu a chah a ni.

Tun dinhmun hian he hna hi za zelah 85 vel thawh zawh tawh a ni a, he project hi NEC sanctioned project niin cheng nuai 623.96 man hu a ni.