Kolasib District chhung Bairabi khua chu Motor lian a lun hle laiin khawchhung kawngte an zimin an chhe hle tih hriat a ni a. Mipui him zawk nan leh vanduaina a thlen loh nan tiin Pu Lalfela Sailo, Addl. DC, Sub Divisional Magistrate chuan Dan in thuneihna a pekhmangin leh Motor Vehicle Act, Chapter VIII, Section 115 tlawhchhanin hetiang hian thupek a chhuah :

1. Motor lian bungraw phur reng reng in Bairabi khawpui chhung kawng zawh lovin approach road to FCI Godown kawng an zawh thin tur a ni.

2. Motor lian bungraw phur lo FCI Godown Bairabi leh a chheh vela load changte chu tul bik thilah lo chuan Bairabi khaw chhungah lut lo turin lirthei khalhtute ngen an ni a. Tul bik thilah chuan an lut thei tho ang.

3. Bairabi khaw chhunga Motor lian (unloaded) tul bik thila tlan luh tulte chuan muangchang leh fimkhur takin motor khalh thin tura ngen an ni a. Motor dang kal velna dal lovin Motor hung thin tura ngen an ni.

Thupek 26th June atanga hi thla khat atana tih phawt a ni.