Vawiin khan Bawrhsap Pisa Conference hall ah Kolasib District election Officer Dr.Arun T,IAS leh Kolasib District media mi leh sa te an inkawm.

He hunah hian DEO chuan inthlanpui lo awm tur a tan inpuahchahna chu a kaltluan zel thu sawiin hmalakna hrang hrang an neih te chu chanchinbuh mite a hrilh a, mitin ten rilru fim leh thianghlim pu a boruak muanawm leh thianghlim tak hnuaiah vote an thlak theih nan chanchinbu mi te chu an chanchinbu te kaltlangin a zau thei ang ber puangzar turin thawhpui ah a sawm. DEO tarlan dan in Kolasib District ah Pink Polling Station (Polling officials leh duty te hmeichhia vek an ni ang) pathum ruahman ani a, Thingdawl-3, rengtekawn leh saidan te an ni a, CAPF company 2 an thleng tawh a naktuk atangin area domination exercise an tan bawk ang. Kolasib town area a polling station 10 te chu webcast tur an ni a, naktuk atangin nomination pawh a file theih dawn a ni.

Hemi bakah hian Chanchinbu mi te pawhin inthlan kaihhnawiha an thil hriatfiah duh te an zawt a, DEO chuan hrilhfiah in chanchinbu mite chu an vei vahna vel ah thil rinhlelh awm leh diklo an hmu a nih chuan thuneitute hrilh hre vat thin turin a chah bawk a ni.