Vawiin khan Deputy District Election Officer, 38-Lawngtlai East Constituency-a RO ni bawk Dr Andrew H. Vanlaldika MCS hovin a office chamber-ah MLA Inthlanpui 2018 lo awm tura Lawngtlai District chhunga constituency pathuma campaign sum hman dan (expenditure) endik kawnga thil pawimawh turte sawi ho a ni. 

He hun hi 36-Tuichawng Constituency-a RO Pu R. Lalremsanga MCS pawh telpuiin, Media Certification & Monitoring Committee (MCMC) member-te, Asst Expenditure Observer team te, Accounting Team leh Video Viewing Team te an kal khawm a. Felfai taka inthlan buatsaih leh zawh fel a nih theih nana candidate leh political party-te sum hman dan (expenditure) endik leh khuahkhirh chungchanga thil tih dan tur ruahmana sawi ho a ni. He'ng team-te hian a hranpain mahni pual training nei theuh tawh mah se, expenditure endik kawnga thawk ho tur an nih avangin harsatna awm lova an thawh ho theih nan vawiin hian an thu khawm a ni