Kolasib Distric huam chhunga MLA Pathum, 4 - Tuirial bialtu Pu Hmingdailova Khiangte, 5 - Kolasib bialtu Pu P.C. Zoram Sangliana leh 6 - Serlui bialtu Pu K. Lalrinthanga te chuan nimin tlai khan Kolasib-a Brig. C Vankunga Shopping Centre-ah Kolasib Mizoram People Forum (MPF) te nena inkawm hona an nei a. Ram leh hnam hmasawnna tura thawh hi dan tur an sawi ho.
He inkawm hona hi Rev. H. Lallianzara, MPF Chairman - in a kaihruai a, sawihona zau tak neiin dik leh fel taka District chhung kawng tinrenga ti hmasawn tura tan lak dan tur MPF in anlo thlir dan te sawi a ni. Serlui bial MLA Pu K. Lalrinthanga chuan Politics leh Pathian thu hian inkalhna a nei lova, dik leh fel taka kan thawh chuan ram tana hmasawnna ropui tak kan thleng thei a ni, a ti.
Pu Hmingdailova Khiangte Tuirial bialtu chuan, MPF te hmalakna chu chhuanawm a tih thu sawiin inthlan dawna an thawhrah nasa tak chu ram khalh ngiltu a ni, tiin, amah ngei pawh MPF te hnathawh zara MLA tling a nih thu a sawi a, ram tih hmasawn nana Sawrkar leh MPF te chawkhai rual taka thawhho zel a duh thu leh dik leh rinawm taka hnathawh a duh thu a sawi a ni.
Pu P.C. Zoram Sangliana, Kolasib bialtu, Transport Minister chuan, Pathian hre chunga dik taka sawrkarin hna thawh a tum thu leh hlemhletna leh retheite chanai ei tumna te a do tlat dawn thu a sawi a. MPF te hnathawh leh sawrkar an tawiawmna ah lawmthu a sawi a ni.
MPF lam chuan MLA te nena inkawmhona tha tak an neih chu an lawmzia an sawi a, ram hruaitute chu an kal zelna turah theihtawpa thlawp a, an tana tawngtai thin an tum zel thu pawh an sawi a ni.
Pu Hmingdailova Khiangte Tuirial bialtu chuan, MPF te hmalakna chu chhuanawm a tih thu sawiin inthlan dawna an thawhrah nasa tak chu ram khalh ngiltu a ni, tiin, amah ngei pawh MPF te hnathawh zara MLA tling a nih thu a sawi a, ram tih hmasawn nana Sawrkar leh MPF te chawkhai rual taka thawhho zel a duh thu leh dik leh rinawm taka hnathawh a duh thu a sawi a ni.
Pu P.C. Zoram Sangliana, Kolasib bialtu, Transport Minister chuan, Pathian hre chunga dik taka sawrkarin hna thawh a tum thu leh hlemhletna leh retheite chanai ei tumna te a do tlat dawn thu a sawi a. MPF te hnathawh leh sawrkar an tawiawmna ah lawmthu a sawi a ni.
MPF lam chuan MLA te nena inkawmhona tha tak an neih chu an lawmzia an sawi a, ram hruaitute chu an kal zelna turah theihtawpa thlawp a, an tana tawngtai thin an tum zel thu pawh an sawi a ni.
