No.3798/2021-2022
Aizawl dated 25th January 2022: Election Commission of India din champha pual a kum 2011 atanga hman tan ‘National Voters’ Day’ vawi 12-na chu vawiin chawhma khan DC Conference Hall, Kolasibah Pu Vanlalchhuanawma Chawngthu, Election Officer kaihhruaina hnuai ah hman a ni a. Kolasib district pum a Kum 2021-22 chhung a Election kaihhnawih a Electoral Registration Officer titha ber thlanchhuah, Pi Rebecca Laldinmawii Hrahsel, ERO, 4-Tuirial AC hnen ah District Election Officer Dr.H.Lalthlangliana chuan chawimawina thuziak a hlan a ni.

Dr.H.Lalthlangliana, District Election Officer chuan mipui rorelna tinghet tur chuan mahni duhthlanna huai tak a hman a pawimawh thu sawiin ram hruaitu tha leh tha lo thlanchhuahna kawngah mipui kutah mawhphurna thui tak a awm thu a sawi.

Pu Sushil Chandra, Chief Election Commissioner of India ina ‘12th National Voters’ Day’ pual a mipui rorelna tichak tur a Electoral Roll-a inziah luh pawimawhnate, hmeichhiate, kum tling tharte, pianphunga rualban lote leh kum upa lam te, harsatna awm lova vote an thlak chu ECI-in a ngaih pawimawi thu a tarlanna thuchah ngaithlak a ni a. District Election Officer kaihhruainain National Voters’ day thutiam lak a ni bawk a ni.

Kum 18 tling thar thalai engemaw zah hnen ah EPIC hlanna hun hman niin kum 2021-22 chhung a Booth Level Officer titha thlanchhuah pathum, 4-Tuirial (ST) Assembly Constituency atangin Pi Lalrinkimi, 5- Kolasib (ST) Assembly Constituency atangin Pu Jerome Lalzawna leh 6-Serlui (ST) Assembly Constituency atangin Pu J.C.Lalthanfala te hnen ah chawimawina thuziak hlan a ni.