No.3798/2021-2022
Aizawl dated 25th January 2022:Vawiin khan Krishi Vigyan Kendra (KVK) Mamit District chuan Kum hlui 2021 a an hmalakna thlir hona leh kum 2022 a an hna thawh tur hmachhawpte sawihona SAC (Scientific Advisory Committee) meeting an nei a. He hun hi SAC Chairman Pu Rohmingthanga Colney, Director of Agriculture, Mizoram chuan kaihruaiin SAC member leh line department hrang hranga Officers ten an telpui bakah Dr. A.K.Sinha Director of ATARI, Zone – VII, Umiam, Barapani, Meghalaya leh Dr. I.Shakuntala, Joint Director, ICAR Kolasib region ten an hmanpui a ni.

He hunah hian Dr.Vanlalhruaia Hnamte, Senior Scientist & Head, KVK, Mamit District Lengpui chuan an hmalakna hrang hrangte power point presentation hmangin a entir a. Subject Matter Specialists discipline hrang hrangten an mahni hmalakna theuh leh kum 2022 a an hnathawh tur hmachhawpte power point presentation hmangin an entir bawk. Subject Matter Specialist te hmachhawp hi he meeting hian a pawmpui chuan ICAR, Headquarter ah thawn thlak a ni ang.

He hunah hian SAC Chairman leh Director of Agriculture, Mizoram chuan KVK te an hnathawh leh hmachhawp te, loneitute thleng phak leh an chhawr theih ngei ni turin a fuih a. An thiamna te anmahni a tawp mai lovin loneitute hmasawnnan an hman ngei theih nana inzar chhuak turin a fuih a ni.

He hunah hian ATMA, Mamit District in a an buatsaih Farmer’s Farm Diary chu Chairman leh Director of Agriculture, Mizoram leh State Nodal Officer Pu Rohmingthanga Colney, ATMA Mizoram chuan a tlangzarh bawk a ni.