No.1038/2020-2020

Vawiin hian Agriculture Development Board chuan Kolasib District huam chhung a Custom Hiring Centres (CHC) leh Progressive Farmers te kawmna hun, DAO Conference Hall, Kolasib-ah neih a ni a. Pu C. Lalrinsanga Agriculture Minister-in he hun hi hmanpuiin, Pu Lalrinsanga Ralte Serlui bial MLA, Dr H. Lalthlangliana, DC, Kolasib, Agriculture Development Board member-te leh Kolasib District hnuaia department hotu engemaw zah an tel bawk a ni.

Agriculture Minister Pu C. Lalrinsanga chuan hun khirh tak kan tawn mek kar a ei leh bar intohdelh tumna kawngah hma kan sawn nasa hle ni a lang chu lawmawm a tih thu a sawi a. Sawt lehzuala hmasawnna thleng tur chuan uluk tak a ngaihtuahna leh ruahmanna siam a tul thu a sawiin, Kolasib District chhung a Custom Hiring Centre-te leh Progressive Farmers te nen a inkawm hona hun huaihawt theih a ni chu lawmawm a tih thu a sawi bawk a ni. Minister chuan inkharkhipna kalpui a nih chhung a Agriculture Department hmalakna thenkhatte a tarlang a,”He hun khirh hi hun hlu tak ah engtinnge kan chantir ang, tih ngaihtuah a tul. Intodelh a ngai a ni, tia intodelh duhna he hripui hian mipuiteah a thlen nasa hle a. A lawmawm tak zet a ni," a ti. Covid-19 lak a invenna kalpui kawngah tlawmngai pawl hrang hrang te hmalakna an hriatin State dang te mak tih hlawh khawpin Mizoram chu kan hmingthat thu a sawi a, heti chung hian ei leh bar a harsatna kan tawh loh nan loneitute hnathawk thei a kan siam a pawimawh thu a sawi bawk a ni. Pu C. Lalrinsanga chuan Kolasib District chu Mizoram district hrang hrang zing a leilet zawl tamna hmun a nih angin ei leh bar intodelh kan tumna kawngah pawh district pawimawh tak a nih thu a sawi a, leilet atanga hlawkna chu a leilung neitute ngei hian tel thei tur a tihtakna leh taimak chhuah turin kalkhawmte a chah bawk a ni. Hri avanga hnam dang loa hnathawk a kan chhawr thin te an haw takah chuan, mahni a tumruhna nen hlawhtlin tum chung a thawkchhuak ve turin, Minister chuan loneitu kalkhawmte chu a fuih a,” Khawl tha zawk nen, hnam dang enkawl sak ngai lovin keimahni ngeiin kan ram a thlai kan thar theih dan tur ngaihtuah a ngai a ni,” a ti.

Pu Lalrinsanga Ralte, MLA chuan,” Ramri venna tha ber chu intodelh hi a ni,” a ti a, Sawrkar atanga tanpuina dawngte chuan an hamthatna dawnte chu a nihna tur tak a hmang turin leh anmahni leh midangte tan a malsawmna thlentu ni turin a chah bawk a ni. Pu C. Lalrinsanga chuan Agriculture Minister hmalaknain Chemphaiah leilet neitu thenkhatin Mizo thalai intelkhawm chhawrin hnam dang an chhawr tawh loh thu a tarlang a,” Kan ram thar chhuah ngei chu nasa zawkin hnam dangin pawtpeng tawh lovin kan hlawkpui ta mek a ni,” a ti.

He hunah hian Dr H. Lalthlangliana, Deputy Commissioner chuan Lockdown kalpui mek lai a Kolasib District chhung a loneitute tan a Agriculture Department hmalaknaah lawmthu a sawi a, DAO Office, Kolasib hnuaia thawktute chuan Covid-19 dona kawngah pawh nihna pawimawh tak tak an chelh thu leh mipuite tan a an thawh hlawk zia a tarlang bawk a ni.

Agriculture Development Board, Custom Hiring Centre leh Progressive Farmers te inkawm hona hun hi Pu J. Rothanga, DAO in a kaihruai a, leilet a bawng neilo chungchangte, hnamdang tlansan/chhuahsan leilet te, CHC tangkai zawk a hman dang tur te leh Buh chi ngaihtuah dan turte sawiho a ni a, loneituten COVID-19 avanga harsatna an tawhte sawilanna hun hmangin, hmalak dan turte pawh rel a ni.