No.1039/2020-2020

Mizoram College of Nursing (MCON) leh State Referral Hospital Falkawn - Zoram Medical College (SRHF-ZMC), Continuing Nursing Education, Falkawn te buatsaih Personal Protective Equipment (PPE) hak leh phelh dan ‘PPE Donning and Doffing’ video an buatsaih chu vawiin khan ZMC-ah National Nurses Week denchhenin tlangzarh a ni.

Joint Director (Nursing) Pi Lalremmawii’n video hi a tlangzarh a. COVID-19 veite enkawlna atana PPE hak dan leh phelh dan dik chiang taka tarlan a ni. Mizo tawnga hrilhfiah niin Mizo tawng thiam lo tan English subtitle dah a ni bawk. He video hi hmun hrang hranga COVID-19 vei enkawlna hmuna thawkte tan a tangkai hle tura ngaih a ni a, mitin tana en theih turin CNE SRHF-ZMC leh Mizoram College of Nursing youtube link www.youtube.com/watch?v=lf0MFCojBsw ah en theiha dah a ni.

PPE Donning and Doffing video tlangzarh programme-ah hian MCON Principal Pi Lalchhanhimi chuan video siam dan a report a, SRHF-ZMC Nursing Superintendent Pi K.Lalbiaknguri chuan lawmthu sawina hun a hmang a ni.