3389/2022-2023

Kolasib dated 27th January 2023: Vawiin khan DC Conference Hall, Kolasibah Sawrkar office hrang hrang kaltlanga Family Oriented Socio Economic Development Program hnuaia hmațhatna dawngte hmalak dan thlirletna hun hman a ni a. Pu John LT Sanga, Deputy Commissioner chuan hun kaihruaiin Pu R.Lalnghakliana, Project Director, DRDO, Member Secretary chuan Kolasib district a SEDP hnuaia hmalakna sawi zauna hun a hmang a, District Level Family Oriented SEDP Committee member-te an tel a ni.

Vawiin țhutkhawma tarlan danin Family Oriented SEDP kalpui Sawrkar department hrang hrangte hian an enkawl office kaltlanga hamthatna dawngtu thlan chhuahte hnenah 1st Installment hi November 2022 hmain an pek chhuah vek thu an sawi a. District Fisheries Development Office hnuaiah chhungkaw 80, Land Resources, Soil & Water Conservation hnuaiah chhungkaw 1461, Commerce & Industries hnuai ah 760, Sericulture Office hnuaiah 36, Horticulture office hnuaiah 125, Veterinary & Animal Husbandry hnuaiah 1517 leh Agriculture hnuaiah hmathatna dawng chhungkua 508 an awm thu tarlan a ni. Heng hmathathna dawngtute hi Department a thawktute hian an hmalakna an enpui thin thu leh Sericulture hnuaia pangang khawi kawnga hmasawnna hmuh tura awm thu te, Agriculture hnuaia Vaimim tharchhuak an awm tawh thu te leh ran vulh tura hmalakna tha taka kalpui a nih thu te tarlan a ni a. Hmasawnna nasa zawk hmuh beisei a nih thu sawi a ni bawk.

Thutkhawmah hian hmathatna dawngtute hmalakna vilpui dan leh ziahluh dan te inhrilhhriat a ni a, 2nd Installment pek zawh a endikna kalpui dan turte sawiho a ni bawk.