1444/2022-2023

Kolasib dated 2nd August 2022: Vawiin chawhnu khan Kolasib District Coordination Committee on ‘Har Ghar Jhanda’ te chuan India zalenna kum 75-na lawmna pual a Sawrkar ruahmanna hnuai a August ni 13 atanga ni 15 chhung in tin a India flag zar tur sem dan tur relin thutkhawmna an nei a. Pu John LT Sanga, Deputy Commissioner-in hun a kaihruai a ni.

Art & Culture Department hmalakna in Kolasib district a sem tur India Flag 10,000 dawn a nih thu thutkhawmnaah hian tarlan niin Flag pakhat hi Cheng 20 zel a tihral tur a ni a. India zalenna kum 75-na lawmna pual a ‘Har Ghar Jhanda Scheme’-in a phut angin August ni 13 atanga ni 15 thleng tar tur a ni dawn a ni. Kolasib khaw chhung bak ah Thingdawl leh Bilkhawthlir RD Block hnuai a khaw hrang hrangte hnen a Flag sem dan tur hi rel niin DLAO leh BDO-te kaltlangin Village Council leh SHG member-ten flag sem dan tur hi an kalpui dawn a ni. India Flag chu zahawm tak a tar tur a nih thu te, hmun ualau leh kawngpui dung a in awmte Flag sem kawngah ngaih pawimawh hmasak a tul thu te leh tar zawh hun a felfai tak a senghawi a pawimawh thu te sawi a ni a.  Flag mamawh belh dan a zirin siam belh emaw dil belh dan tur te sawiho a ni bawk.

Thutkhawmnaah hian Sawrkar Office hrang hrang hotute bak ah NGO hruaitute an tel a ni.